ABD prezidenti Donald Trump kelecek afta onıñ memuriyeti İran memurlarınen ile körüşip, onıñ özek programmasını muzakere etecek, dep bildirdi. Bu, ABD arbiyleri İrannıñ üç özek obyektine raketalar ücümini kerçekleştirgeninden bir qaç künden soñ olacaq.
«Kelecek afta olarnen laf etmege isteymiz, – dep ayttı Trump Felemenkte NATO sammitinden soñ matbuat konferentsiyasında. [Korüşüvde], evelden olğanı kibi, tek bir şey isteycekmiz: özek silâsını istemeymiz».
İyünniñ 21-nde ondan ziyade V-2 Amerika bombardımancısı İrannıñ uran zenginleştirüv ve saqlav obyektlerine bombalar taşladılar. Amerika suv astı gemileri de bu obyektlerge ateş açtı.
Trump matbuat konferentsiyasında bu yerlerniñ «yoq etilgenini» aytıp, ABD istihbaratınıñ evelki ve «doğru olmağan» haberini red etti, o, bu ücüm İrannıñ özek programmasını tek bir qaç ay artqa çekti, dep bildirgen edi.
«Yoq etildi. Men İrannıñ özek silâsı olmaycaq, dep ayttım. Onı patlattıq», – dedi Trump.
«Özek silâ biznesine kene kirişkenlerini körmeyim. Olarğa yetkendir», – dedi o.
Trump, kelecek afta ABD ve İran özek programması añlaşmasını imzalaycaqlarmı añlaşılmay.
ABD darbelerinden evel Trump añlaşmağa ıntılğan edi, anda İran sanktsiyalarnıñ zayıflaması içün urannı zenginleştirüv programmasından bütünley vazgeçmek kerek edi.
İran özek programmasına onlarnen milliard dollar sarf etti, ve onıñ toqtatıluvı memleketniñ çoq yıllıq yuqarı lideri Ali Hameneige büyük darbe olur edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
