Rusiye ukrayin tili ve edebiyatınıñ mektep kursunı federal umumtasil programmasından alıp taşlaycaq, dep haber ete Azatlıq Radiosınıñ rus hızmeti.
Şimdiki programma bütünley lâğu etilecek. Bunı "dünyada deñişken geosiyasiy vaziyet" sebebinden yapalar, dep aytıla Rusiye Federatsiyası Maarif nazirliginiñ buyruq leyhasına añlatma mektübinde
Federal programma lâğu etilse, bu oquvnıñ lâğu etilmesi demek degil. Mektepler ders içün öz programmalarını qullana bileler. Vesiqada ukrayin tiliniñ yañıdan yazılıp yazılmaycağı aqqında aytılmay.
Ukrayinanıñ Zaporijjâ ve Herson vilâyetleriniñ Moskva tarafından işğal etilgen qısımlarında Rusiye mekteplerinde ukrayin tili mecburiydir. Diger regionlarda ana-babalar başlanğıç ve orta mektep talebeleri içün ana tilini saylay bileler. "Kommersant" yazğanına köre, Ukrayinanıñ işğal etilgen territoriyalarından ğayrı, ana-babalar böyle bir saylavnı tek Başqurtistannıñ mekteplerinde yaptılar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
